O‘zbekiston milliy terma jamoasiga bosh murabbiy sifatida tayinlangan argentinalik mutaxassis Ektor Kuper dastlabki ishni futbolchilarni ko‘zdan kechirishdan boshlaydi.
Shu maqsadda, 22 avgustdan 1 sentabrga qadar Toshkentda terma jamoa o‘quv mashg‘ulot yig‘ini tashkil qilinadi. Unda asosan milliy chempionatimizda to‘p surayotgan futbolchilar ko‘zdan kechirilsa, sentabrga yaqin xorijda to‘p surayotgan legioner futbolchilar ham yig‘inga kelib qo‘shiladi.
Terma jamoaga nomzod futbolchilarni ko‘zdan kechirish va O‘zbekiston milliy terma jamoasi asosini shakllantirish uchun Ektor Kuper va uning yordamchilari reja asosida ish olib borishadi.
Shuningdek, O‘zbekiston terma jamoasi Suriya, KXDR va Qatar kabi terma jamoalar bilan o‘rtoqlik o‘yinlari o‘tkazadi. Ular orqali Kuper va uning yordamchilari O‘zbekiston terma jamoasining asosiy tarkibini shakllantirib borishadi.
