15-sentabr kuni Toshkent shahar avtobuslarida yoʻlovchi tashish boʻyicha rekord natija qayd etildi, deb xabar berdi Toshkent shahar transport bosh boshqarmasi.
«Kun davomida poytaxt jamoat transporti (avtobus) xizmatlaridan 1 mln 520 ming 113 nafar yoʻlovchi foydalandi», deyiladi xabarda.
Rekord oʻrnatilishi sababi xabarda keltirilmagan. Biroq, 14-sentabr kuni barcha oliy taʼlim muassasalarida ikkinchi va undan yuqori bosqich talabalari uchun yangi oʻquv yili boshlangani sababli, jamoat transportiga talab keskin oshganini taxmin qilish mumkin.
