Toshkentda maktablar uchun maxsus avtobuslar paydo bo‘ladimi?

Ushbu savolga xalq ta'limi vaziri Sherzod Shermatov javob berdi.

Bugun Xalqaro press klubda navbatdagi sessiya bo‘lib o‘tdi. Tadbir xalq ta'limi tizimini isloh qilish masalalariga bag‘ishlandi.

Sessiya davomida jurnalistlar maktab o‘quvchilari uchun maxsus avtobuslarni tashkil qilish masalasi bilan qiziqishdi.

«Biz «Toshshaharyo‘lovchitrans» davlat birlashmasi bilan hamkorlik qilmoqdamiz, ularga barcha ta'lim muassasalari joylashgan joyni taqdim etyapmiz. Avtobuslar harakati poytaxtdagi maktablarning barcha yo‘llarini qamrab oladi. Biz umumiy o‘rta ta'lim maktablari uchun maxsus avtobuslarni hozircha rejalashtirayotganimiz yo‘q», - dedi vazir. 

Eslatib o‘tamiz, ko‘plab rivojlangan mamlakatlarda bolalar maxsus maktab avtobuslarida olib boriladi.