Maktabgaça ta'lim sohasida davlat-xususiy şerikçilik munosabatlari yanada qöllab-quvvatlanadi

Ta'lim muassasasiga subsidiyalar ajratiş moliya organi rahbarining tegişli buyruği bilan rasmiylaştiriladi hamda buyruqda subsidiyani ajratiş davri körsatiladi.

Moliya organi tomonidan ta'lim muassasasiga subsidiya ajratiş ta'lim muassasasi va Özbekiston Respublikasi Maktabgaça ta'lim vazirligi örtasida subsidiyalarni ajratiş töğrisida tuzilgan bitimda körsatilgan muddat davomida amalga oşirilişi mumkin.

Moliya organi:

ta'lim muassasasi Özbekiston Respublikasi Maktabgaça ta'lim vazirligi tomonidan yuritiladigan tegişli reyestrga kiritilmaganligi;

ta'lim muassasasi davlat-xususiy şerikçiligi töğrisidagi kelişuvda belgilangan majburiyatlarning bajarilmasligi sababli Qoraqalpoğiston Respublikasi maktabgaça ta'lim vazirligi, viloyatlar maktabgaça ta'lim boşqarmalari hamda Toşkent şahar maktabgaça ta'lim boş boşqarmasi tavsiyasiga köra subsidiyalar ajratilişini rad etişga haqlidir.

Ta'lim muassasasi tegişli tuman (şahar) moliya bölimlariga xar hisobot oyi yakunlari böyiça keyingi oyning 7 sanasiga qadar ötgan oyda ta'lim muassasasiga haqiqatda qatnagan bolalar soni töğrisida ma'lumotni hamda ta'lim muassasasida bolalar ta'minoti uçun ota-onalar (yoki ularning örnini bosuvçi şaxslar) tomonidan tölangan tölov hujjatlarini ilova qilgan holda subsidiyalar oliş uçun muvofiq şaklda buyurtmanomani taqdim etadi.

Ta'lim muassasasi tomonidan taqdim etilgan buyurtmanomaga asosan xodimlarning haqiqatda işlagan kunidan hamda davlat maktabgaça ta'lim muassasalari uçun belgilangan lavozim maoşlaridan kelib çiqib subsidiyalar hisoblanadi.

Tuman (şahar) moliya bölimlari hududdagi ta'lim muassasalari tomonidan taqdim etilgan buyurtmanomalarni umumlaştirib, subsidiyalarni ajratiş uçun muvofiq şaklda Özbekiston Respublikasi Davlat byudjyetidan subsidiyalar ajratiladigan ta'lim muassasalarining reyestrini tuzadi va hisobot oyidan keyingi oyning 12 sanasigaça tegişli ğaznaçilik bölinmasiga tölovni amalga oşiriş uçun va yuqori turuvçi moliya organiga ma'lumot uçun taqdim etadi.

Ğaznaçilik bölinmasi tuman (şahar) moliya bölimlari tomonidan taqdim etilgan reyestr asosida tegişli ta'lim muassasasining tijorat banklaridagi hisobvaraqlariga subsidiyalarni belgilangan tartibda ötkazib beradi.

Ta'lim muassasalariga subsidiyalar har oy yakunlari böyiça keyingi oyning 15 sanasiga qadar moliya organlariga taqdim qilingan buyurtmanomaga asosan ajratiladi.

Belgilangan muddatda subsidiya oliş uçun buyurtmanoma taqdim etmagan ta'lim muassasasiga keçikkan oyi uçun subsidiya ajratilmaydi.

Subsidiyalar tegişli moliya yili uçun Qoraqalpoğiston Respublikasi byudjyeti, viloyatlar va Toşkent şahar mahalliy byudjyetlari parametrlarida ta'lim sohasi uçun nazarda tutilgan mablağlar hisobidan belgilangan tartibda moliya organi tomonidan rejalaştiriladi.

Ta'lim muassasalarining ayrim xodimlarini guruh (9 soatlik iş rejimidagi) sonidan kelib çiqqan holda ştat birliklari davlat maktabgaça ta'lim muassasalarining namunaviy ştatlari uçun guruh soniga qarab belgilanadigan ştat birliklari me'yorlari böyiça aniqlanadi.

Ta'lim muassasalarining ayrim xodimlari iş haqiga sarflanadigan xarajatlarni qoplaş uçun subsidiyalar davlat maktabgaça ta'lim tizimi xodimlari uçun belgilangan mehnatiga haq tölaşning bazaviy tarif stavkalari miqdorlarida hisoblanadi.

Guruhlar sonini belgilaşda ta'lim muassasasidagi tarbiyalanuvçilarning umumiy sonidan kelib çiqib, har bir guruhidagi bola soni me'yori kamida 20 nafar bölganda bir guruh sifatida hisobga olinadi.

Bunda, ta'lim muassasasida bolaning bir oy davomida qatnagan kunlari 12 kundan kam bölmasligi lozim.

Yil davomida qonun hujjatlariga muvofiq davlat maktabgaça ta'lim muassasasi ayrim xodimlari iş haqi miqdorlari va şartlari özgargan hollarda, ta'lim muassasalari uçun subsidiyalar özgargan iş haqi miqdoridan hisoblanadi.