Angliya premer-ligasida yana 5 uchrashuv o‘tkazildi.
«Chelsi» o‘z maydonida «Kardiff» bilan bellashdi.
Avvaliga Bamba mehmonlar jamoasini hisobda oldinga olib chiqqandi. Keyin Eden Azar ketma-ket uchta gol urdi. Uning ikki goliga Jiru hammualliflik qildi, to‘rtinchi golni Villian o‘z hisobiga yozib qo‘ydi - 1:4.
Bu natijadan so‘ng, «Chelsi» 15 ochko jamg‘arib, to‘plar nisbatiga ko‘ra peshqadam bo‘lib oldi.
«Manchester Siti» «Manchester Siti» o‘z maydonida «Fulhem»ni qabul qildi va 3:0 hisobidagi yirik g‘alabani qo‘lga kiritdi. Gollar Sane, Silva va Sterling hisobiga yozildi.
Bu natijadan so‘ng, «Manchester Siti» 13 ochko bilan 3-o‘rinda, «Fulhem» esa 4 ochko bilan 15-o‘rinda bormoqda.
«Arsenal» bu turda «Nyukasl» mehmoni bo‘ldi va g‘alaba bilan qaytdi.
O‘yinning ikkinchi bo‘limi boshida Granit Chaka jarima zarbasini golga aylantirib, hisobni ochdi. 58-daqiqada Mesut O‘zil jamoasi ustunligini oshirdi. O‘yin oxirida Klark «Nyukasl»ning javob goliga mualliflik qildi.
Shu tariqa, Unai Emeri shogirdlari qatorasiga uchinchi uchrashuvda g‘alaba qozonib, turnir jadvalida 9 ochko to‘plagan holda 7-o‘ringa ko‘tarildi. «Nyukasl» esa 5 o‘yindan keyin 1 ochko bilan oxirgi o‘rinlardan birida joylashgan.
«Bornmut» o‘z maydonida «Lester»ni 4:2 hisobida yengdi. «Haddersfild» «Kristal Pelas»ga 0:1 hisobida yutqazdi.
Angliya chempionati
5-tur
Chelsi – Kardiff 4:1 (2:1, 2:0)
Gollar: 0:1 – 16 Bamba, 1:1 – 37 Azar, 2:1 – 44 Azar, 3:1 – 80, penalti Azar, 4:1 – 83 Villian.
Chelsi – Arrisabalaga, David Luiz, Alonso, Aspilikueta, Ryudiger, Kovachich (Barkli, 50), Jorjino, Pedro (Villian, 68), Kante, Azar (Dzappakosta, 84), Jiru.
Kardiff – Eterij, Morrison, Bennett, Manga, Bamba, Arter (Richards, 46), Rolls, Rid (Paterson, 71), Kamarasa, Xoylett, Uord (Medin, 77).
