17:52 / 21.09.2018
4579

Xususiy sub'yektlar uchun tijorat banklarida ulush miqdorlariga belgilangan cheklov olib tashlandi

Markaziy bank Boshqaruvining qarori bilan Banklarni ro‘yxatga olish va ular faoliyatini litsenziyalash tartibi to‘g‘risida nizomga o‘zgartirishlar kiritildi. 
 
Norma’ning yozishicha, ilgari bir aksiyador yoki o‘zaro bog‘liq aksiyadorlar guruhining bank ustav kapitalidagi ulushi (davlat ulushidan tashqari) ustav kapitali umumiy miqdorining 25%idan oshishi mumkin emas. Bu chet el kapitali ishtirokidagi banklar va xususiy banklarga tatbiq etilmas edi. Endi cheklov butunlay olib tashlandi.
 
Chet el kapitali ishtirokidagi banklarda chet ellik investorlarning ulushi kamida 30%ini tashkil qilishi kerak edi. Bu eng quyi pog‘ona 15%gacha pasaytirildi.
 
Hujjat 15.09.2018 yildan kuchga kirdi.

Top