Andijon viloyati ichki ishlar boshqarmasiga fuqarolardan jami 24 ming 59 ta murojaat kelib tushgan bo‘lib, ushbu murojaatlarning barchasi mas'ul xodimlar tomonidan atroflicha o‘rganilgan. Murojaatlardan 7 ming 627 tasi qanoatlantirilgan, 1 ming 743 ta murojaat bo‘yicha mualliflarga tegishli tartibda tushuntirish berilgan bo‘lsa, 870 ta murojaat hozirda qo‘shimcha o‘rganilmoqda. Bu haqda KUN.UZ’ga viloyat IIB Matbuot xizmati xabar bermoqda.
Hozirgi kunda sayyor qabullar odamlarning dardini eshitish, ularni qiynayotgan muammolarni, joylardagi kamchiliklarni aniqlash va joyida hal etishda muhim omilga aylandi.
Joriy yilning 8 oyi davomida viloyat IIB mas'ul rahbar xodimlarining shaxsiy hamda sayyor qabullarida umumiy 3 ming 34 nafar jismoniy va yuridik shaxslar qabul qilingan.
Shuningdek, Andijon viloyat IIB boshlig‘ining Paxtaobod, Qo‘rg‘ontepa, Bo‘z, Ulug‘nor hamda Baliqchi tumanlarida sayyor qabullari o‘tkazilib, unda 334 ta murojaat tinglanib, barchasiga ijobiy yechim topilgan.
