IIV 45-avtobusdagi yong‘in haqida rasmiy ma'lumot berdi

Toshkent shahrining Mirobod tumanida shu yil 28 sentabr kuni Farg‘ona yo‘li ko‘chasidagi “Qo‘yliq ota” bekati oldida F.K. boshqaruvidagi 45-sonli “Boshliq dahasi - Qo‘yliq 2-daha” yo‘nalishi bo‘yicha qatnovchi “Mersedes-bents” rusumli avtobusining motor qismida yong‘in sodir bo‘lgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ko‘rilgan choralar natijasida yong‘in o‘chirilgan. 

Yong‘in avtobusning yoqilg‘i tizimining nosozligi oqibatida kelib chiqqanligi taxmin qilinmoqda. Jarohat olganlar yo‘q. 

Surishtiruv ishlari olib borilmoqda.