18:20 / 14.10.2018
7850
Трамп Пентагон раҳбари истеъфога чиқиши мумкинлиги ҳақида гапирди
Фото: Evan Vucci/AP

АҚШ президенти Дональд Трампнинг ҳисоблашича, Қўшма штатлар Мудофаа вазири Жеймс Мэттис истеъфога чиқиши мумкин. Бу ҳақда Американинг CBS телеканали хабар тарқатган.

Хабар қилинишича, мухбир Трампдан Пентагон раҳбарининг истеъфо эҳтимоли ҳақида сўраган. Президент бундай эҳтимолни истисно этмаган.

«Мен билмайман... У бу ҳақда менга индамаган. Бизнинг муносабатларимиз яхши, икки кун муқаддам бирга тушлик қилгандик. Аммо, у кетиши ҳам мумкин», — деган Трамп.

Америкаликлар раҳбари Мэттис демократ экани, мухолиф қарашларни қўллаб-қувватлашини қайд этиб ўтган.

«У кетиши мумкин. Ҳамма ҳам қачондир кетади. Ҳамма. Одамлар кетаверади ва бошқалари келади. Буни Вашингтон дейдилар», — дея қўшимча қилган Трамп.

Top