Ucell xalqaro «Ipak yo‘lida turizm» yarmarkasida

Turizm, shubhasiz, O‘zbekistondagi eng dolzarb taraqqiyot sektorlaridan biri hisoblanadi. Hozirda turizm industriyasida yirik va tub o‘zgarishlar sodir bo‘lmoqda. Mamlakat hukumati bu boradagi qonunchilik bazasini takomillashtirmoqda, infratuzilmani modernizatsiyalash va yurtimizning sayyohlik sektorini jahon standartlariga muvofiqlash bo‘yicha qator tadbirlarni amalga oshirmoqda.

2018 yilning 3-5 oktabr kunlari, kuzgi sayyohlik mavsumining eng qizg‘in pallasida, Toshkent shahrida xalqaro «Ipak yo‘lida turizm» yarmarkasi tashkil etildi. Yarmarka «O‘zekspomarkaz» pavilonlarida o‘tkazilib, unga tashrif buyuruvchilar yurtimizning turizm salohiyati bilan tanishish, hamda sayyohlik xizmatlari yo‘nalishidagi so‘nggi yangiliklardan xabardor bo‘lish imkoniyatiga ega bo‘ldilar.

Pavilonlarning birida O‘zbekistondagi viloyatlar, Qoraqalpog‘iston Respublikasi va Toshkent shahri vakillari mehmonlarni vatanimizning betakror tarixi va madaniyati bilan tanishtirdilar. Har bitta viloyat o‘z stendi  bilan boshqalardan ajralib turar hamda  o‘z an'ana va urf-odatlarining o‘ziga xosligini ifodalardi.

Ikkinchi pavilonda esa yarmarkaga tashrif buyurganlar xizmat ko‘rsatish sohasi vakillaridan foydali ma'lumotlarni olish imkoniyatiga ega bo‘ldilar. Aviakompaniya, mehmonxona va mobil operatorlar xodimlari sayyohlikni xush ko‘radiganlar uchun maxsus tarzda ishlab chiqilgan tijoriy takliflarni taqdim etdilar.

Barchaga ma'lumki, biror mamlakat yoki chet elda sayohat qilish asnosida yaqin insonlar va biznes-hamkorlar bilan aloqada qolish juda muhim. Aynan shuning uchun Ucell kompaniyasi ushbu tadbirdan chetda qolmadi va unda faol ishtirok etdi. Yarmarkada «Roumingda cheksiz internet» xizmatini taqdim qilgan Ucell Business yo‘nalishi  stendi mehmonlarga batafsil tanishtirildi.

Mazkur xizmat O‘rta Osiyo telekommunikatsiya bozorida ilk marotaba ishga tushirilmoqda.Internetdan cheksiz foydalanish imkoniyati ushbu xizmatning asosiy afzalligi hisoblanadi.  Bu xizmatga ulanish orqali Ucell Business abonentlari har doim onlayn bo‘lish imkoniyatini qo‘lga kiritadilar. Aloqa muhim ahamiyatga ega bo‘lgan zamonda bunday yangilik ko‘pchilikni befarq qoldirmasligi aniq. Yangi xizmat doirasida birinchi 100 MB maksimal tezlikda taqdim qilinadi, shundan keyin paketning amal qilish muddati tugaguncha, yoki yangi limitning berilguncha tezlik 64 Kb/s holatida saqlanadi. Ushbu xizmatning yana bir qulayligi shundaki, abonentning o‘zi ehtiyojiga yarasha kerakli paketni tanlashi mumkin.

Shu bilan birga, Ucell Business yarmarkada yakka tartibdagi tadbirkorlarga mo‘ljallangan  “Special” tarif rejalarini hamda  yirik va o‘rta biznes vakillari uchun chiqarilgan “Gigaman” tarif rejalarini taqdim qildi.Mazkur tariflar turoperatorlar, tadbir ishtirokchilari va xorijiy mamlakatlar vakolatxonalari uchun qiziqish uyg‘otadigan   ko‘paytirilgan internet-trafik bilan ajralib turadi.

Xizmat va tariflar taqdimotida an'anaga ko‘ra oson va qiziqarli o‘yinlar ham o‘tkazildi; misol uchun rebuslar yordamida qo‘shiq so‘zini topish yoki boshlovchi tomonidan aytilgan telefon raqamiga birinchi bo‘lib qo‘ng‘iroq qilish orqali ishtirokchilar esdalik sovg‘a yoki yutuqqa ega bo‘lishdi.

Har doimgiday Ucell Business stendi ko‘plab mehmonlarning e'tiborini o‘ziga jalb qildi va kompaniya «Toshkent xalqaro turizm yarmarkasining eng ko‘p tashrif buyurilgan stendi» nominatsiyasida yetakchiga aylandi!

Ko‘rgazmada Ucell (Ucell Business yo‘nalishi) turizm xizmatlarini rivojlantirishga o‘z hissasini qo‘shish hamda kelgusida sayyohlarga yangi imkoniyatlar yaratish va ularning sayohatiga imkoni boricha qulaylik bag‘ishlash istagida ekanini chinakamiga namoyish etdi.