Moldova prezidenti beshinchi marta lavozimidan chetlatiladi

Moldova prezidenti Igor Dodon o‘z lavozimidan beshinchi marta chetlatiladi. Bu haqda mamlakat parlamenti raisi Andrian Kandu ma'lum qildi.  
 
Kanduning aytishicha, bunga Dodon tomonidan parlament qabul qilgan ikki qonun loyihasini imzolashdan bosh tortishi sabab bo‘lgan. Dodon respublika maydoni joylashgan yerning AQSh elchixonasiga berilishi hamda Yevropa kunini 9 mayda G‘alaba kuni bilan bir kunda nishonlash loyihalarini imzolashdan bosh tortgan.

Parlament raisining fikricha, Dodon televideniye va radio haqidagi yangi kodeksni ham rad etmoqchi va shu sababli hukmron koalitsiya uning lavozimidan chetlatilishini va vakolatlarining bosh vazir Pavel Filipga berilishini talab qiladi.

“Bu yuz bermasligi kerak. Har birmiz, yoqadimi-yo‘qmi, konstitutsiyada belgilangan o‘z majburiyatlarimizni bajarishimiz kerak”, deb aytgan Kandu. 

Ma'lum qilinishicha, prezident va bosh vazir o‘rtasidagi kelishmovchiliklar sababli mamlakatdagi parlament saylovlaridan keyin konstitutsiyaviy islohot o‘tkazilib, davlat boshqaruvi parlament shakliga o‘tkaziladi. 

Avvalroq Dodon Kandu tayinlagan ikki yangi vazirni tasdiqlashdan bosh tortgani uchun lavozimidan chetlatilgan.