Bugun Toşkent vaqti bilan soat 20:15da, Ispaniya çempionati 10-tur doirasida «Real» «Kamp Nou»da «Barselona» mehmoni böladi. Aslida bu öyin alohida ta'rifga muhtoj emas, ammo Kriştianu Ronalduning ketişi va Lionel Messining jarohat olişi natijasida, sönggi 11 yilda ilk bor El Klasiko uşbu superyulduzlarsiz ötmoqda. Ammo agar vaziyatga boşqa tarafdan qaralsa, bu vaziyatga ham ijobiy qaraş va bugungi öyin oldingilardan yaxşi ma'noda farqliroq bölişiga sabablar topiş mumkin ekan. Qöyida şu haqida.

Yangi qahramon kim böladi?

Aslida bu omil öyinga bölgan qiziqişni orttirişi ham mumkin. Nihoyat, barça e'tibor jamoalarga qaratiladi. Avvallari, mana şu ön bir yil içida Zlatan Ibrahimoviç, Suares yoki Neymar, Beyl yoki Asensio va hatto Jyeremi Matyo qahramon bölgan öyinlarning guvohi bölganmiz. Lekin bilasizmi, öşa öyinlarda ham barça kameralar Messi va Ronalduga qaratilar, oldindan bu futbolçilardan nimadir kutilar edi. Yuqorida tilga olingan qahramonlar esa, aynan mana şu e'tiborsizlikdan foydalanib qolişardi.

Hozirgi holat boşqaça. Har bir futbolçi yangi qahramonga aylanişi mumkin. Kimdir Iskodan nimadir kutsa, boşqalar, nihoyat Koutino barçasini öz qöliga oliş kerak deb hisoblamoqda. Ba'zilar Garet Beyl yoki Benzema özlarini isbotlaş vaqti kelganini aytsa, narigi tarafdan Vidalni asosiy tarkibda kutayotganlar bor.

Xullas, bugungi El Klasiko rejissyorlariga qiyin böladi. Öyin oldidan kameralarni aynan qaysi futbolçiga qaratiş, kimga urğu beriş borasida biror töxtamga kela olmayotganliklari şubhasiz.

Murabbiylar

Bunday vaziyatdan çiqib ketişning yöli - ingliz hamkasblari tajribasidan foydalaniş. Ya'ni, bor e'tiborni öyinning haqiqiy rejissyorlari bölmiş murabbiylarga qaratiş mumkin. Töğri, Lopetegi va Valverde El Klasikoning afişasida rasmi çiqadigan darajada marketingbop emas. Ammo ançadan beri ilk marotaba maydonning har ikki tarafida ham asosan öyin konsepsiyasini yaratişga urğu beradigan murabbiy turibdi. «Barselona» bunday murabbiylarga vaqti-vaqti bilan murojaat qilib turgan, lekin Peres işga olgan murabbiylarning deyarli hammasi asosan yulduz futbolçilar bilan til topiş, jamoaning umumiy tayyorgarligini va motivatsiyasini bir maromda uşlab turiş bilan şuğullanar edi. Ançelotti, Mourino, Zidan va hatto Kapello ham öz öyin falsafasiga va aniq seziladigan uslubiga ega emasdi. Kiçik öyinlarni umumiy tayyorgarlik va klass hisobiga, katta öyinlarni esa konkret raqibga mos taktika evaziga yutişga urinadigan murabbiylar edi ular.