Toshkentdagi qator inshootlar foydalanuvchi tashkilotlar tasarrufiga topshiriladi

Normativ-huquqiy hujjatlar loyihalari muhokamasi portalida "Toshkent shahar Farg‘ona yo‘lidagi avtomobil ko‘prik yo‘lini kichik halqa yo‘li ustidan o‘tkazib qayta qurish" to‘g‘risida”gi hujjat loyihasi joylashtirildi.

Hujjat bilan “O‘zbekiston temir yo‘llari” AJ va Toshkent shahar xokimligining “Toshkent shahar Farg‘ona yo‘lidagi avtomobil ko‘prik yo‘lini kichik halqa yo‘li ustidan o‘tkazib qayta qurish” bo‘yicha inshootlarni tashkilotlar tasarrufiga beg‘araz o‘tkazish to‘g‘risidagi taklifiga rozilik berilishi mumkin.
 
“O‘zbekiston temir yo‘llari” AJ va Toshkent shahar hokimligi belgilangan tartibda:

“Toshkent shahar Farg‘ona yo‘lidagi avtomobil ko‘prik yo‘lini kichik halqa yo‘li ustidan o‘tkazib qayta qurish” loyihasi bo‘yicha inshootlarni ilovaga muvofiq foydalanish tashkilotlar tasarrufiga o‘tkazishni;

tegishligicha foydalanish tashkilotlar tasarrufiga topshirilayotgan inshootlarni lozim ravishda butligini saqlash va ulardan samarali foydalanishni ta'minlaydilar.
 
Foydalanuvchi tashkilotlar tasarrufiga beg‘araz topshirilayotgan inshootlar ro‘yxati

Toshkent shahar Farg‘ona yo‘lidagi kichik halqa yo‘li ustidan o‘tkazib qayta qurilgan avtomobil ko‘prik yo‘li. Balans qiymati - 32 736 905 841,48 so‘m.

Salar kanali o‘zanidagi suv o‘tkazuvchi sun'iy inshoot - 2 206 813 778,97 so‘m.

Sug‘orish tizimining burg‘ilangan quduqlari - 164 853 518,99 so‘m.