Yaponiya tashqi ishlar vazirligi AQShda bo‘lib o‘tgan oraliq saylovlar natijasini prezident Donald Trampga berilgan zarba deb hisoblaydi va bu uning kelgusidagi siyosatiga ta'sir qilishi mumkin. Bu haqda vazirlik vakili ma'lum qildi, deb xabar berdi NHK.
"Vakillar palatasida o‘rin yo‘qotish prezident Trampga berilgan zarba ekanligiga shubha yo‘q. Ammo u oxir-oqibat o‘z siyosatida proteksionizm yo‘nalishini davom ettiradimi yoki aksincha, me'yoriy yo‘nalishni tanlaydimi, hozircha aytish qiyin. Har qanday holatda ham bu Yaponiya-Amerika munosabatlariga ta'sir ko‘rsatmaydi", dedi u.
Seshanba kuni AQShda oraliq saylovlar bo‘lib o‘tdi. Mamlakatda 100 senatordan 35 nafari , kongress vakillar palatasining barcha 435 a'zosi, 39 nafar shtatlar gubernatorlari hamda 6703 nafar shtatlar qonunchilik yig‘inlari, sudyalar va maktab okruglari kengashlari a'zolari qayta saylandi.
Amerika OAVning taxminlariga ko‘ra, oraliq saylovlar yakunlariga ko‘ra, demokratlar partiyasi kongress vakillar palatasida ko‘proq o‘ringa ega bo‘ladi, respublikachilar partiyasi esa senat ustidan nazoratni saqlab qoladi va mustahkamlaydi. AQSh prezidenti Donald Tramp ovoz berish natijalarini "o‘ta muvaffaqiyatli" deb baholadi.
