Ronalduning «San Siro»dagi ilk goli va «Inter»ning yirik mag‘lubiyati – Italiyada tur voqealari

Dam olish kunlari Italiya chempionatida 12-tur o‘yinlari o‘tkazildi. Unda e'tiborga loyiq bo‘lgan bir qancha voqealar yuz berdi.

«YuVeNTUS» «MILAN»NI MAG‘LUB ETDI, RONALDU ILK MARTA MILANDA GOL URDI

A Seriya peshqadami «Yuventus» safarda «Milan» bilan bellashdi. O‘yin mehmonlarning tashabbusi ostida o‘tdi. Ularning hujumlari xavfliroq tus oldi, himoyada esa xatoga yo‘l qo‘yishmadi. 

8-daqiqada Aleks Sandro tomonidan jarima maydoniga yetkazilgan to‘pni Manjukich boshi bilan darvozaga aniq yo‘llab, hisobni ochdi. Shundan so‘ng, «Milan» raqibga qarshilik ko‘rsatishga urinib ko‘rdi. Bo‘lim oxirida mezbonlarda hisobni tenglashtirish uchun yaxshi imkoniyat paydo bo‘lgan edi. Ammo Iguain tepgan penaltini darvozabon Shchensni qaytara oldi. 81-daqiqada Ronaldu himoyachi Sapatani ortda qoldirib, «Milan» darvozasini ishg‘ol qildi. Bu portugaliyalik to‘purarning Milan shahrida urgan ilk goli bo‘ldi. «Manchester Yunayted» va «Real» bilan «San Siro»da o‘tkazgan avvalgi 5ta o‘yinida u raqib darvozasini ishg‘ol etolmagan edi. Bahs oxirida Iguainning asabi dosh bermadi: oldin u Benatiaga nisbatan qo‘pollik qilib, sariq karta oldi, keyin hakam bilan tortishib qolib, maydondan chetlatildi.

Bu natijadan so‘ng, «Yuventus» 34 ochko bilan 1-o‘rinda, «Milan» esa 21 ochko bilan 5-o‘rinda bormoqda.  

O‘yindan so‘ng, Krishtianu Ronaldu o‘z fikrlari bilan o‘rtoqlashib, shunday dedi: «O‘yindan ham, jamoadan ham mamnunman. 2:0 hisobidagi g‘alaba qahramonlik emas. Biroq, bugun uch ochkoni qo‘lga kiritib, «Napoli» bilan oramizdagi farqni saqlab qolmoqchi edik. Buni uddaladik».

Milan – Yuventus 0:2 (0:1, 0:1)
11 noyabr, «Juzeppe Meatstsa (San-Siro)» stadioni
Gollar: 0:1 – 8 Manjukich, 0:2 – 81 Ronaldu.
Amalga oshirilmagan penalti: Iguain (41, darvozabon)
Milan – Donnarumma, Abate (Borini, 74), Sapata, Romanoli, Rodriges, Suso, Kessie, Bakayoko, Chalxano‘g‘li (Laksalt, 74), Kastilexo (Kutrone, 62), Iguain.
Yuventus – Shchensni, Joau Kanselu, Benatiya, Kellini, Aleks Sandro, Bentankur, Pyanich (Xedira, 74), Matyuidi, Dibala (Duglas Kosta, 79), Manjukich, Ronaldu.
Ogohlantirishlar: Benatiya (34), Bakayoko (61), Iguain (83), Borini (87).
Chetlatish: Iguain (83).

«NAPOLI» IRODALI G‘ALABA QOZONIB, IKKINChI O‘RINGA ChIQIB OLDI

«Napoli» safarda «Jyenoa» bilan bellashdi va kutilmaganda jiddiy muammolarga duch keldi. 20-daqiqada mezbonlar Kuame goli evaziga hisobda oldinga chiqib olishdi. Shundan so‘ng, neapolliklar juda ko‘p kuch va vaqt sarflab, hisobni tenglashtira oldilar. 62-daqiqada Fabian Ruis raqib darvozasini ishg‘ol qildi. O‘yin durang hisobda yakunlanishi ham mumkin edi. Biroq, 86-daqiqada Biraski to‘pni o‘z darvozasiga yo‘llab, «Napoli»ning g‘alabasiga sabab bo‘ldi.

Bu natijadan so‘ng, «Napoli» 28 ochko bilan 2-o‘rinda bormoqda. Jamoani peshqadam «Yuventus»dan 6 ochko ajratib turibdi.

«Napoli» yarimhimoyachisi Fabian Ruis o‘yin haqidagi taassurotlari bilan o‘rtoqlashib, quyidagilarni aytdi: «Gol urganimdan xursandman, bu jamoaga ishonch bag‘ishlab, ruhini ko‘tardi. Biz o‘yinning og‘ir bo‘lishini bilardik, ammo uch ochkoni qo‘lga kiritishni maqsad qilgandik. Biz uchun har bir o‘yin muhim, aql va qalb bilan to‘p tepishimiz shart. Bu safar iroda ko‘rsatishimiz lozim edi, buni uddaladik».

Jyenoa – Napoli 1:2 (1:0, 0:2)
Gollar: 1:0 – 20 Kuame, 1:1 – 62 Fabian Ruis, 1:2 – 86, avtogol Biraski.

«INTeR»NING KUTILMAGAN YIRIK MAG‘LUBIYaTI

«Inter» safarda «Atalanta» mehmoni bo‘ldi va kutilmaganda 1:4 hisobida yutqazdi. Mezbonlar bellashuvda ko‘plab xavfli vaziyatlarni yaratib, bundan ham yirik hisobda g‘alaba qozonishlari mumkin edi.

8-daqiqada Xatebur «Atalanta»ni hisobda oldinga olib chiqdi. 2-bo‘lim boshida Ikardi penaltidan uni tenglashtirdi. 62-daqiqada Manchini to‘pni boshi bilan darvozaga aniq yo‘llab, hisobni 2:1 ko‘rinishiga keltirdi. O‘yin oxirida «Inter»ning oldinga o‘tib ketganidan foydalangan «Atalanta» yana 2ta gol urib, hisobni yirik ko‘rinishga keltirdi.

Bu natijadan so‘ng, «Inter» 25 ochko bilan 3-o‘rinda, «Atalanta» esa 18 ochko bilan 8-o‘rinda bormoqda.   

O‘yindan so‘ng, «Inter» ustozi Luchano Spalletti mag‘lubiyatga quyidagicha izoh berdi: «Afsuski biz uzoq vaqt davomida barqaror o‘yin namoyish qilolmayapmiz. Bugun raqibga hududlarni ochib berdik, natijada jazolandik. Hisobni tenglashtirgach, tashabbus biz tomonga o‘tgan edi. Ammo futbolchilar yakkakurashlarda mag‘lub bo‘lib, e'tiborni susaytirishdi. Raqib esa bundan unumli foydalandi».

Atalanta – Inter 4:1 (1:0, 3:1)
Gollar: 1:0 – 8 Xatebur, 1:1 – 47, penalti Ikardi, 2:1 – 62 Manchini, 3:1 – 88 Gimshiti, 4:1 – 90 Gomes.

«KeVO» 0 OChKO MARRAGA ChIQIB OLDI

Kelishilgan o‘yinlarda ishtirok etgani uchun mavsum boshida 3 ochkodan mahrum qilingan «Kevo» 0 ochko marraga chiqib oldi. O‘z maydonida «Bolonya» bilan bellashgan «uchar eshaklar» 2:2 hisobidagi durang natijani qayd etishdi. Natijada, jamoa ochkolar defitsitiga barham berdi. 

Ayni paytda «Kevo» 0 ochko bilan so‘nggi o‘rinni egallab turibdi. Klub hali biror marta g‘alaba qozonmagan.

Kevo – Bolonya 2:2 (2:1, 0:1)
Gollar: 0:1 – 3 Santander, 1:1 – 20, penalti Mejorini, 2:1 – 45 Obi, 2:2 – 56 Orsolini.

A SeRIYa 12-TURINING BARChA NATIJALARI

11 noyabr
Milan – Yuventus 0:2 (0:1, 0:1)
Gollar: 0:1 – 8 Manjukich, 0:2 – 81 Ronaldu.

Atalanta – Inter 4:1 (1:0, 3:1)
Gollar: 1:0 – 8 Xatebur, 1:1 – 47, penalti Ikardi, 2:1 – 62 Manchini, 3:1 – 88 Gimshiti, 4:1 – 90 Gomes.
Chetlatish: Brozovich (90, Inter).
 
Empoli – Udineze 2:1 (1:0, 1:1)
Gollar: 1:0 – 41 Zayts, 2:0 – 51 Kaputo, 2:1 – 81 Pussetto.

Kevo – Bolonya 2:2 (2:1, 0:1)
Gollar: 0:1 – 3 Santander, 1:1 – 20, penalti Mejorini, 2:1 – 45 Obi, 2:2 – 56 Orsolini.

Roma – Sampdoriya 4:1 (1:0, 3:1)
Gollar: 1:0 – 19 Jyezus, 2:0 – 59 Shik, 3:0 – 72 El-Shaaravi, 3:1 – 89 Defrel, 4:1 – 90 El-Shaaravi.

Sassuolo – Latsio 1:1 (1:1, 0:0)
Gollar: 0:1 – 7 Parolo, 1:1 – 15 Ferrari.

Torino – Parma 1:2 (1:2, 0:0)
Gollar: 0:1 – 9 Jyervino, 0:2 – 25 Ingleze, 1:2 – 37 Bazelli.

10 noyabr
SPAL – Kalyari 2:2 (1:0, 1:2)
Gollar: 1:0 – 3 Petanya, 2:0 – 71 Antenuchchi, 2:1 – 73 Pavoletti, 2:2 – 76 Ionitse.

Jyenoa – Napoli 1:2 (1:0, 0:2)
Gollar: 1:0 – 20 Kuame, 1:1 – 62 Fabian Ruis, 1:2 – 86, avtogol Biraski.

9 noyabr
Frozinone – Fiorentina 1:1 (0:0, 1:1)
Gollar: 0:1 – 47 Benassi, 1:1 – 89 Pinamonti.

A SeRIYa JADVALI

A SeRIYa TO‘PURARLARI
9 - Kshishtof Pyontek (Jyenoa)
8 - Chiro Immobile (Latsio, 1 pen), Krishtianu Ronaldu (Yuventus, 1)
7 - Dris Mertens (Napoli, 1), Lorentso Insine (Napoli), Mauro Ikardi (Inter, 2)
6 - Franchesko Kaputo (Empoli, 1), Leonardo Pavoletti (Kalyari), Gregore Defrel (Sampdoriya)

A SeRIYa 12-TUR RAMZIY TeRMA JAMOASI

A SeRIYa 13-TUR O‘YINLARI
24 noyabr
Udineze - Roma
Yuventus - SPAL
Inter - Frozinone
25 noyabr
Parma - Sassuolo
Bolonya - Fiorentina
Napoli - Kevo
Empoli - Atalanta
Latsio - Milan
Jyenoa - Sampdoriya
26 noyabr
Kalyari - Torino

«EMPOLI» YaNGI BOSh MURABBIYNI TAYINLADI

Italiyalik mutaxassis Juzeppe Yakini «Empoli» klubiga bosh murabbiy qilib tayinlandi. 54 yoshli mutaxassis bu lavozimda qoniqarsiz natijalar tufayli iste'foga chiqarilgan Aurelio Andreatsolli o‘rnini egalladi. 

Yakini murabbiylik faoliyatini 2001 yilda boshlagan va «Pyachentsa», «Kevo», «Sampdoriya», «Siyena», «Palermo», «Udineze», «Sassuolo» klublarida ishlagan.

A SeRIYa TO‘PURARI YoZGAChA HeCh KIMGA SOTILMAYDI

«Jyenoa» klubi hujumchisi Kshishtof Pyontek bilan xayrlashmoqchi emas. A Seriyada to‘purarlik qilayotgan polshalik futbolchining xizmatiga bir qancha klublar qiziqish bildirgan edi.

«Kshishtof bo‘yicha rasmiy taklif oldik, ammo biz uni qo‘yib yuborishga tayyor emasmiz. Futbolchi xotirjamlikni saqlagan holda, o‘z ishini davom ettirishi lozim. Uning taqdirini faqat bahorda yoki yozda muhokama qilamiz», - dedi klub sport direktori Jorjio Perinetti.

«INTeR»NING DAROMADI OShDI

«Inter» 2017/18 mavsumi bo‘yicha moliyaviy hisobotni e'lon qildi. Unga ko‘ra, klubning umumiy daromadi 238 million yevroga yetgan, bu esa o‘tgan mavsumga qaraganda 17,9 million yevroga ziyoddir.

Milan klubining 52% daromadi homiylardan tushgan mablag‘larni tashkil qilgan. Asosiy foyda Pirelli va Suning kompaniyalaridan olingan. Nike kompaniyasi «Inter»ga 4,3 million yevro to‘lagan, vaholanki bu qiymat 20 million yevroni tashkil qilishi kerak edi. Ammo «Inter»ning A Seriyadagi natijalari kompaniyani qoniqtirmagan va to‘lov kamaytirilgan.