O‘zbekistonga Rossiyadan sayyohlar oqimi 1,3 barobarga oshdi

Yanvar-sentabr oylarida O‘zbekistonga Rossiyadan 350 ming sayyoh tashrif buyurdi, bu o‘tgan yilning shu davriga nisbatan 1,3 barobarga ko‘p, deb xabar berdi O‘zbekistonning Rossiyadagi elchisi Botirjon Asadov Novosibirskda mamlakat sayyohlik salohiyatining taqdimotida.

«Joriy yilning to‘qqiz oyi davomida mamlakatga tashrif buyuruvchilar soni 3,9 millionga yetdi. Faqat Rossiyadan to‘qqiz oy ichida sayyohlar soni 350 mingni tashkil qildi. O‘tgan yili bu ko‘rsatkich 270 ming edi», - deya aytib o‘tdi elchi.

O‘zbekiston delegatsiyasining ma'lumotiga ko‘ra, o‘tgan yil davomida respublikaga 1,9 million sayyoh tashrif buyurgan. Asadovning ta'kidlashicha, O‘zbekiston Turizm qo‘mitasi sayyohlarni jalb qilish bo‘yicha faol ish olib bormoqda: faqat joriy yilning yanvar-sentabr oylarida respublikada 190ta yangi turoperator ish boshladi, 2017 yilda esa bu ko‘rsatkich 128ta edi.

Eslatib o‘tamiz, avvalroq AirClad O‘zbekistonga mobil mini-mehmonxonalar bo‘yicha taklif bilan chiqqani xabar berilgandi.