AQSh prezidenti Donald Tramp Oq uy apparati rahbari Jon Kellini iste'foga chiqarish niyatida, deya xabar qilmoqda NBC.
Aniqlik kiritilishicha, Kellida ham prezidentning o‘zi, ham bir qator amaldorlar bilan o‘zaro munosabatlar keskinlashgan. Bundan tashqari, birinchi xonim Melanya Tramp ham Kellini ishdan bo‘shatish talabini qo‘ygani aytilmoqda.
Telekanal ma'lumotlariga ko‘ra, Melanya bir necha bor Jon Kellidan o‘zining bir necha yordamchilarini ma'muriyatdagi lavozimlarga tayinlash haqida so‘ragan, biroq u tegishli so‘rovlarga oylab javob qaytarmagan.
Bu haqda bilgach, Tramp darg‘azab bo‘lgan va Kellidan Melanyaning odamlari uchun joy topib berishni talab qilgan, sababi birinchi xonim Oq uy apparatida juda kam xodimlarga ega.
Eslatib o‘tamiz, avvalroq Tramp va Makron o‘rtasidagi do‘stlik tugagani ma'lum qilingandi.
