Desham Grizmann va Mbappe o‘rtasidagi raqobat haqida gapirdi

Fransiya terma jamoasi bosh murabbiyi Dide Desham ikkita yetakchi - Antuan Grizmann va Kilian Mbappe munosabatlari qanday ekanini aytdi.

«Mbappe va Grizmann o‘rtasida raqobat yo‘q, ular bir-biri bilan kimo‘zar o‘ynamoqchi emas. Har ikkalasi ham navbati bilan o‘zini namoyon qilmoqda, ba'zan esa birgalikda. Ular jamoa uchun vaziyatlarni yaratish va gol urishga intilmoqdalar. Ular o‘rtasida raqobat yo‘q», - deb Desham so‘zlarini keltirmoqda L`Equipe.

Qayd qilish joizki, Grizmann Fransiya terma jamoasi safida 65 ta o‘yinda maydonga tushib, 26 ta gol urgan. Mbappe 26 ta o‘yinda raqib darvozasini 10 marta ishg‘ol qilgan.