Tramp Afg‘onistonga tashrif buyurishga va'da berdi

AQSh prezidenti Donald Trampning ma'lum qilishicha, mojaroli hududlarda bo‘lib turgan amerikalik harbiy xizmatchilarni ko‘rib kelish niyatida. Bu haqda CNN xabar bermoqda.

Shu tariqa, Tramp Iroq va Afg‘onistondagi Amerika kontingentlari joylashgan hududlarga nega hali biron marta tashrif buyurmagani haqidagi savolga javob berdi.

Uning so‘zlariga ko‘ra, asosiy sabab «juda ham og‘ir va katta ish jadvali» hisoblanadi.

Shuningdek, uning qo‘shimcha qilishicha, bunday tashriflarni rejalashtirmoqda.

Trampning tan olishicha, amerikalik harbiylarni «jangovar kayfiyatni oshirish» uchun ko‘rib kelish kerak.

Eslatib o‘tamiz, avvalroq Tramp xatoga yo‘l qo‘yganini tan olgandi.