Yevropa ittifoqi davlatlarining mudofaa vazirlari yangi qurollar yaratish va razvedka, qo‘mondonlik hamda nazorat, shuningdek, kiberxavfsizlik sohasida kadrlar tayyorlashga yo‘naltirilgan, xavfsizlikka oid 17ta yangi loyihani ishga tushirish haqida qaror qabul qildilar. Bu haqda dushanba kuni YeI Kengashi matbuot xizmati xabar berdi.
«Bryusseldagi YeI Kengashi yig‘ilishida vazirlar xavfsizlik va mudofaa sohasida (PESCO) doimiy ravishda tuzilgan YeI hamkorlik dasturi doirasida 17ta yangi loyihani ma'qulladilar», - deyiladi hujjatda. Nomi tilga olingan loyihalar orasida - artilleriyani boshqarish yangi tizimlarini yaratish, zarba beruvchi vertolyotlarni modernizatsiya qilish, boshqaruvchisiz suv osti apparatlarini yaratish, dronlardan himoya tizimlari bor.
17 loyihadan beshtasi mudofaa va xavfsizlik sohasida yevropalik mutaxassislar, shuningdek, Yevroittifoq missiyalari uchun qo‘mondonlik tarkibi malakasini oshirishga qaratilgan. Ular orasida «YeI va NATO davlatlarining harbiy hamda fuqarolik xodimlarini razvedka intizomlariga o‘qitish va shug‘ullantirishni ta'minlaydigan» YeI Qo‘shma razvedka maktabini (Joint EU Intelligence School, JEIS) tashkil etish ham bor. Ushbu loyihaning yetakchi davlatlari Gretsiya va Kipr bo‘ladi.
PESCO dasturi 2017 yilning dekabrida ishga tushirilgan. U NATOning salohiyatini to‘ldirishi kerak bo‘lgan, Yevroittifoq o‘z harbiy imkoniyatlarini rivojlantirish bo‘yicha qator loyihalarni amalga oshirishni nazarda tutadi.
