Foto: Vyacheslav Argenberg via Flickr
Business Insider nashri sayyoramizning eng issiq davlatlari ro‘yxatini tuzdi. Reytingga harorat va boshqa iqlim xususiyatlari hisobga olingan barcha ekzotik joylar kiritildi. O‘rtacha havo harorati kamdan-kam holda 28-30 daraja issiqdan tushadigan davlat orasida Tailand, Yaman, Samoa, Palau, Bruney, Nauru, Chad, Marshall orollari, Senegal, Mavritaniya, Maldivlar, Sudan keltirilgan.
Ta'kidlanishicha, ro‘yxatning yuqori qismidan eng issiq iqlimga ega davlatlar, jumladan Hind okeanidagi orollar, Gambiya va Niger joy olgan. Ro‘yxatning eng yuqori pog‘onasini esa Mali va Jibuti egallagan: bu davlatlarda o‘rtacha havo harorati 29 darajani tashkil qilib, deyarli yil davomida saqlanib qoladi.
