IIV yo‘l harakati qatnashchilariga murojaat bilan chiqdi 

O‘zbekiston Respublikasi Ichki ishlar vazirligi Yo‘l harakati xavfsizligi bosh boshqarmasi haydovchilarga murojaat bilan chiqdi.

Respublika hududida ob-havo sharoitining keskin o‘zgarishi, qor yog‘ishi va avtomobil yo‘llarida muzlamalar hosil bo‘lishi, avtomobil yo‘llarida harakat qatnashchilari uchun bir qator noqulayliklar keltirib chiqarishi, yo‘l-transport hodisalari sodir etilishiga sabab bo‘lishi mumkinligini inobatga olgan holda haydovchilardan transport vositasini boshqarish paytida murakkab ob-havo sharoitini hisobga olish so‘ralgan.

Shuningdek, zarurat bo‘lmaganda tungi vaqtlarda harakatlanmaslik, piyodalardan yo‘lni kesib o‘tishda o‘ta hushyor bo‘lishlari, kattalardan yo‘llarda bolalarning harakatini nazoratga olish so‘ralgan.