Toshkent shahrida 6-sentabr kuni «Toshkent xalqaro yarimmarafoni» oʻtkazilishi munosabati bilan poytaxtning qator koʻchalarida avtomobillar harakati vaqtincha cheklanadi. Bu haqda poytaxt Yoʻl harakatini tashkil etish markazi xabar berdi.
Ishtirokchilar va yoʻl harakati xavfsizligini taʼminlash maqsadida 6-sentabr kuni soat 05:00 dan 14:00 gacha quyidagi koʻchalarda transport vositalari harakati cheklanadi:
- Islom Karimov koʻchasi - Furqat koʻchasidan Sharaf Rashidov shoh koʻchasigacha;
- Sharaf Rashidov shoh koʻchasi - Afrosiyob koʻchasidan Islom Karimov koʻchasigacha;
- Afrosiyob koʻchasi - Islom Karimov koʻchasidan Oybek koʻchasigacha;
- Oybek koʻchasi - Afrosiyob koʻchasidan Nukus koʻchasigacha;
- Nukus koʻchasi - Oybek koʻchasidan Abdulla Qodiriy koʻchasigacha;
- Abdulla Qodiriy koʻchasi - Nukus koʻchasidan Hamidulla Oripov koʻchasigacha;
- Hamidulla Oripov koʻchasi - Abdulla Qodiriy koʻchasidan Mustaqillik shoh koʻchasigacha;
- Mustaqillik shoh koʻchasi - Mirzo Ulugʻbek shoh koʻchasidan Amir Temur xiyobonigacha;
- Amir Temur xiyoboni atrofidagi yoʻllar - Buxoro va Shahrisabz koʻchalarigacha;
- Alisher Navoiy koʻchasi - Shahrisabz koʻchasidan Furqat koʻchasigacha;
- Botir Zokirov koʻchasi - Alisher Navoiy koʻchasidan Afrosiyob koʻchasigacha;
- Oʻqchi koʻchasining Botir Zokirov koʻchasiga tutash qismi.
«Ishtirokchilar va tomoshabinlar soni koʻpaygan taqdirda, zaruratga koʻra, ushbu hududlarga tutash ayrim yoʻllarda ham harakat vaqtincha cheklanishi mumkin. Haydovchilardan safarlarini oldindan rejalashtirish, muqobil yoʻnalishlardan foydalanish hamda yoʻl belgilari va masʼul xodimlarning koʻrsatmalariga amal qilishlarini soʻraymiz», deyiladi YHTEM xabarida.
