Davlat ehtiyojlari uchun yer uchastkalarini olib qo‘yishning aniq mezonlari belgilandi 

Davlat va jamoat ehtiyojlari uchun yer uchastkalarini olib qo‘yishning aniq mezonlari belgilandi. 

Adliya vazirligi telegram-kanali xabariga ko‘ra, yerlar endilikda quyidagi maqsadlarda olib qo‘yilishi mumkin: 

mudofaa va davlat xavfsizligi, muhofaza etiladigan tabiiy hududlar ehtiyojlari, erkin iqtisodiy zonalarni tashkil qilish va ularning faoliyat yuritishi uchun yerlarni taqdim etish;

xalqaro shartnomalardagi majburiyatlarni bajarish;

foydali qazilmalar konlarini aniqlash va qazib chiqarish;

avtomobil va temir yo‘llari, aeroportlar, aerodromlar, aeronavigatsiya obektlari va aviatexnika markazlari, temir yo‘l transporti obektlari, ko‘priklar, metropolitenlar, tonnellar, energetika tizimi obektlari va elektr uzatish tarmoqlari, aloqa tarmoqlari, kosmik faoliyat obektlari, magistral quvurlar, muhandislik-kommunikatsiya tarmoqlarini qurish (rekonstruksiya qilish); 

aholi punktlari bosh rejalarini Davlat byudjyeti mablag‘lari hisobidan obektlar qurish qismida ijro etish hollarida.

Qarorga ko‘ra, endilikda yerlar olib qo‘yilganda, u yerdagi binolarni buzishdan oldin mulkdorga yetkazilgan zarar to‘liq qoplanishi lozim. Faqatgina shundan keyin binoni buzish mumkin bo‘ladi.

Eslatib o‘tamiz, avvalroq qator korxonalar uchun soddalashtirilgan yagona yer solig‘i stavkasi joriy etilishi xabar berilgandi.