Foto: US ATTORNEYS OFFICE
«Qonundagi o‘g‘ri» Rajden Shulay AQShda 45 yilga ozodlikdan mahrum qilindi. Bu haqda Nyu-York Janubiy okrugi prokuraturasining veb-saytida xabar berilgan.
«Brat» va «Roma» laqablari bilan mashhur bo‘lgan Shulay odamlarni o‘g‘irlash va hujum qilish, firibgarlik hamda pul yuvish, shuningdek, jinoiy guruhni tashkil etish va tovlamachilikda ayblanmoqda. Unga 550 ming dollar miqdorida tovon puli to‘lab berish majburiyati yuklandi. Bundan tashqari, qonundagi o‘g‘rining 2,16 million dollardan ortiq qiymatdagi mol-mulki musodara qilindi.
Eslatib o‘tamiz, avvalroq Moskvadagi sud Alisher Usmonovning «qonundagi o‘g‘ri» Shakro Molodoy bilan aloqalari haqidagi maqolalarni o‘chirib tashlash haqida qaror chiqargandi.
