Erdo‘g‘an yaqin kunlarda Rossiyaga tashrif buyurmoqchi

Turkiya prezidenti Rajab Toyyib Erdo‘g‘an yaqin kunlar ichida Rossiyaga tashrif buyurish va prezident Vladimir Putin bilan Suriyadagi vaziyatni muhokama qilish niyatida ekanligini bildirdi. Bu haqda RIA Novosti xabar bermoqda.

"Bugun-erta hamkasblarim Moskvaga tashrif buyurishib, Suriyadagi vaziyatni muhokama qilishadi. Shundan keyinoq Putin bilan muzokara o‘tkazamiz. Bu yuzma-yuz uchrashuv bo‘ladi",degan Erdo‘g‘an jurnalistlarga.

Avvalroq Rajab Toyyib Erdo‘g‘an AQSh prezidenti Donald Trampni 2019 yilda Turkiyaga tashrif buyurishga taklif qilgani xabar qilingandi.