Valentina Matviyenko O‘zbekistonga tashrif buyuradi

Rossiya Federatsiyalar kengashi spikeri Valentina Matviyenko 2019 yilda O‘zbekistonga tashrif buyurishni rejalashtirayotgani haqida xabar berdi. Bu haqda TASS ma'lum qilgan.

«Men uchun MDH davlatlari eng ustuvordir. Menda O‘zbekistonga tashrif buyurish taklifi bor, O‘zbekistonga kelgusi yil albatta boraman. Kambodjaga safar bir necha marotaba ko‘chirildi, bu birinchi chorakdagi mening jadvalimga bog‘liq», - dedi Matviyenko dushanba kuni yakuniy matbuot anjumanida jurnalistlarga.

Joriy yilda O‘zbekiston Respublikasi Oliy Majlisi Senati va Rossiya Federatsiyasi Federatsiyalar kengashi o‘rtasida hamkorlik to‘g‘risidagi bitim imzolandi. Hujjat respublika parlamenti yuqori palatasi rahbari Nig‘matilla Yo‘ldoshevning Moskvaga qilgan tashrifi doirasida imzolandi.

Rossiya va O‘zbekiston parlamentlari yuqori palatalari rahbarlarining bitimni imzolash marosimidan keyingi qo‘shma bayonotda ta'kidlashlaricha, hujjat parlamentlararo hamkorlikning huquqiy asoslarini mustahkamlaydi.