O‘zbekiston prezidenti Shavkat Mirziyoyev 2019 yil uchun mo‘ljallangan eng muhim ustuvor vazifalar haqidagi Murojaatnomasida eksport mavzusiga to‘xtalib o‘tdi.
«Kelgusi yili eksport hajmini 30 foizga oshirib, 18 milliard dollarga yetkazish maqsad qilingan.
Eksport bilan shug‘ullanmagan tashkilotning kelajagi yo‘q. Mahsulotimiz uchun bozor topishimiz kerak. Topmasak, rivojlanish bo‘lmaydi. Topish uchun har bir korxona eng bilimli mutaxassislar hamda zamonaviy texnologiyalar olib kelishiga majbur qilamiz.
Tannarxni kamaytirmay turib, bozor topolmaymiz. Aks holda raqobatbardosh bo‘la olmaymiz», dedi prezident.
