Foto: AFP/Getty Images
Misr poytaxti Qohira yaqinida sayyohlar avtobusi yaqinida portlash sodir etildi. Buning oqibatida 3 kishi hayotdan ko‘z yumdi, 11 kishi jarohatlandi.
Ma'lum qilinishicha, voqea Gizadagi ehromlar yaqinida yuz bergan. Avtobusda vetnamliklar bo‘lgan. Shuningdek, ekskursovod va misrlik haydovchi ham yaralangan.
Sky News Arabiya xabariga ko‘ra, avtobus harakatlanayotgan vaqtda yo‘l chetiga yashirilgan qo‘lbola bomba harakatga keltirilgan.
Ayni vaqtda hech qaysi terrorchilik tashkiloti ushbu terakt uchun javobgarlikni o‘z zimmasiga olmagan.
