12:20 / 29.12.2018
19311
Хоразм вилояти ҳокими сенатор бўлди

Олий Мажлис Сенати аъзоси сайлови бўйича 26 декабрь куни ўтказилган қўшма мажлис баёнига асосан Хоразм вилояти ҳокими Фарҳод Эрманов сенатор сифатида рўйхатга олинган. Бу ҳақда Марказий сайлов комиссияси ахборот хизмати хабар бермоқда.

30 ноябрь куни Халқ депутатлари Хоразм вилояти кенгашининг навбатдан ташқари сессияси вақтида Ўзбекистон президенти Шавкат Мирзиёевнинг тавсиясига биноан Хоразм вилояти ҳокими вазифасини вақтинча бажариб келаётган Фарҳод Эрманов Хоразм вилояти ҳокими этиб расман тасдиқланганди.

Фарҳод Ўрозбоевич Эрманов 1958 йилда туғилган. Илгари Қорақалпоғистон Республикаси қишлоқ ва сув хўжалиги вазири, Беруний тумани ҳокими лавозимларида ишлаган. Кейинги етти ойда у Хоразм вилояти ҳокими вазифаларини бажаришда синовдан ўтган. 

Top