2018 yil 29 dekabr kuni O‘zbekistonda franchayzing asosida faoliyat yurituvchi xalqaro brendlar soni yana bittaga ortdi: mamlakatimizga «Baskin Robbins» muzqaymoq brendi kirib keldi.
Brendning Toshkentdagi ilk kafesi Samarqand Darvoza ko‘ngilochar savdo markazining ikkinchi qavatida ochildi. Kafeda «Baskin Robbins» muzqaymog‘ining 30 dan ortiq turlari: qaymoqli muzqaymoq, shakarsiz muzqaymoq, sorbetlar, sharbatlar, muzlar, shuningdek shirinliklar, sutli kokteyllar va pishiriqlar taqdim etilgan.
Kompaniya yaqin kelajakda Next, Compass KSMlari, Samarqand Darvoza savdo markazining fudkortida, shuningdek Anhor Lokomotiv parki hududlaridan savdo shoxobchalarini ochishni rejalashtirgan.
«Baskin Robbins» jahondagi eng yirik muzqaymoq-kafelar tarmog‘i hamda muzqaymoq turlari va navlari bo‘yicha jahon yetakchisidir. Mahsulot O‘zbekistonga Rossiyadan keltiriladi.
