Shavkat Mirziyoyev Vladimir Putinga hamdardlik bildirdi

O‘zbekiston prezidenti Shavkat Mirziyoyev Magnitogorsk shahrida ko‘p qavatli uy qulashining fojiali oqibatlari munosabati bilan Rossiya prezidenti Vladimir Putinga chuqur hamdardlik bildirdi. Bu haqda davlat rahbari matbuot xizmati xabar bermoqda.

31 dekabr kuni ertalab soat 4da Magnitogorskda maishiy gaz portlashi oqibatida o‘n qavatli uyning pod'yezdlaridan biri qulab tushgan. FVVning so‘nggi xabariga ko‘ra, portlash natijasida sakkiz kishi halok bo‘lgan, 33 kishining taqdiri noma'lum.

Avvalroq, O‘zbekistonning Yekaterinburg shahridagi (Rossiya) Bosh konsulxonasi bergan ma'lumotga ko‘ra, Magnitogorsk shahrida turar-joy binosi qulashi natijasida qurbon bo‘lganlar orasida 2019 yilning 1 yanvar kuni ertalab holatida O‘zbekiston fuqarolari yo‘q ekani xabar qilingandi.

TIV xabarida aytilishicha, 31 dekabr ertalab sodir bo‘lgan Magnitogorsk fojiasi bo‘yicha vaziyatni Bosh konsulxona jiddiy nazoratga olgan.