OAV: Turkiya AQShdan Suriya bo‘yicha yordam so‘radi

Turkiya hukumati Suriyada IShID guruhi jangarilariga qarshi kurashni davom ettirish uchun Qo‘shma Shtatlardan qo‘llab-quvvatlov so‘radi. Bu haqda The Wall Street Journal gazetasi manbalarga tayangan holda xabar bermoqda.

Nashr ma'lumotlariga ko‘ra, Turkiya AQSh turk harbiylariga jiddiy yordam berishini - jumladan, havodan zarbalar berish hamda harbiylarni olib o‘tishda ko‘mak ko‘rsatishini istaydi. Nashrdan qayd etishlaricha, agar Qo‘shma Shtatlar bunday yordamni to‘liq hajmda taqdim etsa, unda Suriyadagi amerikalik harbiylar kontingenti, AQSh qo‘shinlari olib chiqilishi e'lon qilinganiga qaramay, sezilarli darajada o‘sishi mumkin.

Shuningdek, gazeta manbalarining aytishicha, bu masala bo‘yicha muzokaralar 8 yanvar, seshanba kuni bo‘lib o‘tadi.

Eslatib o‘tamiz, avvalroq 2019 yilda 10 ta mintaqaga katta e'tibor qaratilishi aytilgandi.