Suriyada IShID jangarilari qo‘lga olindi. Ular orasida O‘zbekiston fuqarolari ham bor

Foto: REUTERS/Rodi Said

Suriya shimolida harakatlanuvchi kurdlar milliy mudofaa otryadlari IShID terrorchilik tashkilotining 8 nafar jangarisini asirga olishdi.

Qo‘lga olish Dayr-az-Zor shahri yaqinida sodir bo‘ldi, deya xabar qilingan otryadlarning «Twitter»dagi sahifasida.

8 ISIS terrorists of foreign origins have been captured in a special operations by our counter-terrorism units in Deir al-Zour.
— Rojava Defense Units | YPG (@DefenseUnits) January 9, 2019

Qayd etilishicha, harbiy asirga olinganlar orasida 58 yoshli Odil Rahimov, 28 yoshli Farhod Qodirov (O‘zbekiston), 30 yoshli Sattibek Oshibayev (Qozog‘iston), 16 yoshli Solay Noa Su (AQSh), 22 yoshli Muhammad Davlat (Tojikiston) 27 yoshli Asqar Zarmanbetov (Ukraina), 31 yoshli Lukas Glab (Germaniya) va 30 yoshli Begjan Bimurayev (Rossiya) bor.

Eslatib o‘tamiz, avvalroq Turkiya prezidenti Rajab Toyyib Erdo‘g‘an Suriyada IShID ustidan g‘alaba haqida e'lon qilgandi.