Foto: AP
Ispaniya chempionati peshqadami «Barselona» 19-turda «Eybar»ni qabul qildi va 3:0 hisobida g‘alaba qozondi. Uchrashuvda Luis Suares dubl qayd etgan bo‘lsa, jamoa sardori Lionel Messi bir marta o‘z nomini tabloga yozdirib qo‘ydi.
Ushbu gol argentinalik futbolchining La Ligadagi 400-goli bo‘ldi. Endi u Primerada 400ta gol urgan birinchi futbolchi sifatida tarixda qoladi. Ushbu natijaga erishish uchun Messi 435ta uchrashuv o‘tkazishiga to‘g‘ri kelgan.
Ispaniya chempionati to‘purarlari ro‘yxatidan ikkinchi bo‘lib «Real»ning sobiq hujumchisi Krishtianu Ronaldu joy olgan. Uning hisobida 311ta gol bor.
