Keyingi kunlarda internetda Farğona şahri markazidagi uylar egalari köçmay turib buzilayotgani, bu esa köp yillardan beri yaşab kelayotgan uyini taşlab, şahar çekkasidagi hududga köçişni istamayotgan aholining keskin noroziligini keltirib çiqargani töğrisida xabarlar tarqaldi.

Holatga oydinlik kiritiş maqsadida Farğona şahridagi, xalq tili bilan aytganda «Gidroliznyy» deya ataluvçi mazkur hududga yöl oldik.

Farğona şahrining Alişer Navoiy, Sohibqiron Temur va Forobiy köçalari kesişmasida joylaşgan 2 qavatli uylar yonidamiz. Bu yerda juda asabiy holat hukm surmoqda. Buning sababiga esa quyida mufassal töxtalamiz.

Muammo nimada?

Şu yilning 2 yanvar kuni «Gidroliznyy» şaharçasida joylaşgan 12ta köpqavatli uylarda yaşayotgan aholiga şahar hokimligi vakillari tomonidan qöqqisdan «uylaring snosga tuşdi» deya xabar beriladi.

Avvaliga mutasaddilar xonadon egalariga uylari sotib olinişini aytişgan. Keyin esa, birinçi bosqiçda buzilişi közda tutilgan 8ta uydagi 62 xonadon - Farğona şahar, Registon köçasida yangi qurilgan köpqavatli uydagi xonadonlarga köçirilişi bildiriladi.

Xalqda şunday naql bor: «Quşning ham uyasi buzilmasin». Buzilişi kutilayotgan uylarda yaşovçi aholining ma'lum bir qismi yangi uylarga köçişni istamaydi. Ma'lum qismi köç-köronini kötarib köçib ötadi.

Mutasaddilar esa zudlik bilan uylarni buzişga kirişadilar. Ayni paytda, 8ta uy joylaşgan hududda bir neça uy butunlay buzilib bölgan, buziş işlari davom etmoqda. Ajablanarlisi, buzilayotgan uylarda hali ham çiqib ketişni istamayotgan kvartira sohiblari bor.

Ayni paytda hokimlik vakillari içki işlar xodimlari bilan xonadondan köçib çiqişni istamayotgan aholi örtasida tuşunmovçilik va tortişuvlar kelib çiqqan.