8458.16 USD +9.27

9501.05 EUR +38.29

129.74 RUB -0.07

10994.8 GBP -133.27

17:50 / 30.01.2019 4089

​«Career Bridge» - хорижий мамлакатларда таҳсил олаётган ўзбекистонлик талабалар ва иш берувчилар ўртасидаги мулоқот!

Ўзбекистонда илк маротаба Ўзбекистон ёшлари умумжаҳон ассоциацияси томонидан хорижий мамлакатларда таълим олаётган ўзбекистонлик ёшлар учун «Career Bridge» лойиҳаси тақдим этилмоқда. «Career Bridge» - Ўзбекистоннинг давлат, хусусий ва халқаро компаниялари билан тўғридан-тўғри мулоқотдир. Тадбир жорий йилнинг 16 февраль куни соат 11:00да Ўзбекистон ёшлар иттифоқи Марказий Кенгаши биносида онлайн видеоконференция шаклида бўлиб ўтади. Унда ёш мутахассислар Ўзбекистоннинг давлат ва хусусий секторида иш берувчилар билан танишишлари мумкин.

Лойиҳанинг асосий мақсади номзодлар ва иш берувчилар учун платформа яратишдан иборат. Видеоконференцияда Ўзбекистоннинг давлат ва хусусий секторларида иш берувчилар томонидан мавжуд бўш иш ўринлари ҳақида батафсил маълумотлар берилиши, шунингдек, ёш мутахассисларнинг ва компанияларнинг имкониятларини ва талабларини аниқлаш кўзда тутилган. Мазкур видеоконференцияда Хитой, Латвия, Россия, Туркия ва Япониянинг етакчи университетларининг 2000 дан ортиқ битирувчилари иштирок этади.

Хорижий мамлакатларда таълим олаётган ёшларимизни Ўзбекистон ёшлари умумжаҳон ассоциациясининг расмий саҳифаларида жонли видеомулоқотда кутамиз.

Facebook: facebook.com/wayu.uz

Instagram: instagram.com/wayu.uz

Жонли эфир вақти 2019 йил 16 февраль соат 11:00 да.

Батафсил маълумотлар: www.wayu.uz

 

Top