OAV: IShID Suriyani qancha vaqt ichida qayta egallab olishi mumkinligi hisoblab chiqildi

Foto: REUTERS/Rodi Said

Pentagondagilarning fikricha, IShID terrorchilik guruhi jangarilari Suriyani bir yildan kamroq muddat ichida qaytarib olishlari mumkin. Bu haqda NBC Amerika harbiy mahkamasining hisobotiga asosan xabar bermoqda.

Pentagondagilar fikricha, agar guruh harbiy bosimlarga duch kelmasa, IShID olti oydan 12 oygacha bo‘lgan muddat ichida Suriya ustidan nazoratni o‘ziga qaytarib olishi mumkin. Shuningdek, mahkamadan ta'kidlashlaricha, IShID jangarilari «xalifalikni jismoniy shaklda tiklashga» harakat qilishmoqda.

Pentagonning hisoboti kelgusi hafta e'lon qilinishi kutilmoqda.

Eslatib o‘tamiz, avvalroq Suriyada IShID jangarilari qo‘lga olingani, ular orasida O‘zbekiston fuqarolari ham bor ekani xabar qilingandi.

Tayyorlagan: Отабек Матназаров

#IShID #Suriya #Pentagon

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.