Dizayner Chulxun Park dunyodagi eng katta va eng qimmat yaxta Valkyrie narxini oshkor qildi. Park yaxta loyihasini Londondagi qirollik san'at kollejida Palmer Johnson kompaniyasi ko‘magida taqdim qilgan. Bu haqda Daily Mail nashri xabar berdi.
«Valkiriya»ning qurilishi 800 mln dollarga aylanadi. Menga hamkorlik qilish bo‘yicha bir nechta taklif tushdi, biroq hozircha hech kim bilan shartnoma imzolamadim», deb aytgan loyiha ustida 8 oy ishlagan dizayner.
Ma'lum qilinishicha, yaxtaning uzunligi 229 metrni tashkil qiladi. U hozirgi vaqtdagi rekordchi yaxta – BAA prezidenti Xalifa bin Zoid Ol Nahayonning Azzam yaxtasidan 40 metr uzunroq bo‘ladi.
Yaxta bortida ekipajning 92 a'zosi va 52 yo‘lovchi joylasha oladi. Yo‘lovchilar uchun restoranlar, kazino, teatr va suratlar galereyasi faoliyat yuritadi.
2018 yil noyabrda Superyacht Intelligence Agency mutaxassislari ma'lum qilganidek, 2018 yil oktyabriga kelib dunyoda deyarli 300 ta superyaxta sotilgan. 2017 yilda esa umumiy qiymati 3 mlrd dollarlik 249 ta superyaxta sotilgan.
