AQSh prezidenti Donald Tramp CBS telekanaliga bergan intervyusida Venesuela rahbari Nikolas Maduro Tramp bilan uchrashishni so‘raganini, ammo u bu uchrashuvni rad etganini aytdi.
«U uchrashishni so‘radi, lekin men rad etdim, chunki biz bu jarayonda ancha ichkariga kirib ketdik. U yerda yosh va serg‘ayrat erkak bor (milliy assambleya rahbari Xuan Guaydo — tahr.), o‘sha guruhda boshqalar ham bor... agarda demokratiya haqida gapirsangiz, demokratiya ishga tushdi», — dedi Tramp.
Shuningdek, Tramp Venesuelaga AQSh qo‘shinlari yuborilishi mumkinligini ham istisno etmadi.
