O‘zbekistonlik mehnat muhojiri Sankt-Peterburgda 10-qavatdan qulab tushdi va omon qoldi

15 fevral kuni Sankt-Peterburgda, Murinodagi «Voronsovskiy bulvar» turar joy hududida olib borilayotgan qurilish ishlari vaqtida O‘zbekiston fuqarosi bo‘lgan mehnat muhojiri 10-qavatdan qulab tushdi.  

Mahalliy nashrlar xabariga ko‘ra, montajchi bo‘lib ishlagan yosh yigitni boshi, ko‘krak qafasi, qorin va tos jarohatlari bilan Toskovodagi shifoxonaga olib borishgan. Unda umurtqa sinishi va bosh suyak-miya jarohati qayd etilgan, shifokorlar uning hayotini saqlab qolishgan.

Sankt-Peterburg huquq-tartibot organlari bu mehnat muhojiri O‘zbekistondan kelgani, 23 yoshdaligi va Peterburgda ham, Lenin oblastida ham vaqtinchalik ro‘yxatdan o‘tmaganini aniqlashgan.

Hodisaga texnika xavfsizligi qoidalariga amal qilinmagani sabab bo‘lgani taxmin qilinmoqda.