Juma kuni «Milan»-«Empoli» uchrashuvi bilan A Seriyaning 25-turiga start berildi.
«San-Siro»dagi bahs mezbonlarning 3:0 hisobidagi g‘alabasi bilan yakun topdi. Uchala gol ham ikkinchi bo‘limda urildi. Dastlab 49-daqiqada Pyontek hisobni ochgan bo‘lsa, ikki daqiqa o‘tib Kessie farqni ikkitaga oshirdi. Frankning goliga assistentlik qilgan Kastilexoning o‘zi 67-daqiqada darvozani ishg‘ol etib, hisobni yirik ko‘rinishga keltirdi – 3:0.
Shundan so‘ng 78-daqiqada mezbonlar to‘rtinchi golni ham urishdi –yarimhimoyachi Fabio Borini jarima maydoniga yorib kirib, aniq zarba yo‘lladi. Ammo bosh hakam Pero Jakomelli videotakrorni kuzatgach, bu vaziyatda hujumchi Patrik Kutrone tomonidan himoyachilarga nisbatan o‘yin qoidasi buzilganini qayd etdi va golni bekor qildi.
Qayd etish kerak, hujumchi Kshishtof Pyontek «rossoneri» safidagi 6ta o‘yinda 7ta to‘p kiritdi.
Ushbu g‘alabadan so‘ng «Milan» ochkolari sonini 45taga yetkazdi va 4-o‘rinda mustahkam joylashdi. «Empoli» esa 17-o‘rinda qoldi. Keyingi turda «Milan» «Sassuolo»ni, «Empoli» «Parma»ni qabul qiladi. Ikkala uchrashuv ham 2 mart kuniga belgilangan.
Italiya chempionati
25-tur, 22 fevral
Milan – Empoli 3:0 (0:0, 3:0)
Gollar: 1:0 – 49 Piontek, 2:0 – 51 Kessie, 3:0 – 67 Kastilexo.
Milan – Donnarumma, Konti, Musakko, Romanoli, Rodriges, Kessie, Bakayoko (Bigliya, 80), Lukas Paketa (Borini, 69), Kastilexo, Piontek (Kutrone, 69), Chalhano‘g‘li.
23 fevral
19:00. Torino – Atalanta
00:30. Frozinone – Roma
24 fevral
16:30. Sampdoriya – Kalyari
19:00. Sassuolo – SPAL
19:00. Kevo – Jyenoa
19:00. Bolonya – Yuventus
22:00. Parma – Napoli
00:30. Fiorentina – Inter
Latsio – Udineze o‘yini qoldirildi.
