Erdo‘g‘an Guaydoning Venesueladan Turkiyaga amaldorlar qochgani haqidagi so‘zlarini rad etdi

Venesuela muxolifati yetakchisi Xuan Guaydoning Venesueladan bir qator amaldorlarning Turkiyaga qochgani haqidagi xabari haqiqatga to‘g‘ri kelmaydi. Bu haqda Turkiya prezidenti Rajab Toyyib Erdo‘g‘an aytib o‘tdi.

Avvalroq Guaydo tvitterda bir qator amaldorlar mamlakatni tark etib, Turkiyaga yo‘l olganini ma'lum qilgan. 

“Venesueladan hech kim mening davlatimda yashirinish uchun qochmagan. Bu yolg‘on. Guaydo saylangan yetakchi hisoblanmaydi. Agar u bunday narsalar haqida gapirsa, bu uning Turkiyani bilmasligidan dalolatdir. Avval u-bu narsani o‘rgansin. Davlat arbobi bo‘lish oson ish emas”, deb aytgan Erdo‘g‘an NTV telekanaliga bergan intervyusida.