Erdo‘g‘an Yevropa Ittifoqini nosamimiylikda aybladi 

Yevropa Ittifoqi yetakchilarining Arab davlatlari ligasi va Yevropa Ittifoqining Misrdagi sammitida ishtirok etishlari ularning nosamimiyligini ko‘rsatadi, deb aytdi Turkiya prezidenti Rajab Toyyib Erdo‘g‘an.  

ADL-YeIning birinchi sammiti 24-25 fevral kunlari Misrning Sharm-ash-Shayx kurort shahrida bo‘lib o‘tdi. Unda arab davlatlarining ko‘pchilik va Yevropaning 20 ga yaqin yetakchisi ishtirok etdi. 

“Yevropa Ittifoqi o‘lim jazosiga qarshi chiqmoqda, uning ijrosi unga a'zo davlatlarda taqiqlangan. Agar Yevropa Ittifoqi yetakchilari isyonchi as-Sisiy (Misr prezidenti Abdul Fattoh as-Sisiy) taklifi bilan o‘tgan hafta 9 nafar yosh qatl etilgan davlatda ADL-YeI sammitida ishtirok etayotgan bo‘lsa, Yevropada qanday qilib demokratiya haqida gapirish mumkin?”, deb aytgan Erdo‘g‘an Girasun shahridagi nutqida.

Turkiya-Misr munosabatlari Misrda 2013 yilda sobiq prezident Muhammad Mursiy ag‘darilib tashlanib, uning ortidan yuz bergan qonli to‘qnashuvlardan keyin yomonlashgan. Erdo‘g‘an misrlik harbiylarning Mursiy tarafdorlariga qarshi harakatlarini keskin qoralagandi. Ikki davlat 2013 yil avgustda o‘z elchilarini maslahatlashuvlar uchun chaqirtirib olishgan. Noyabrda esa Misr Turkiya elchisini, Turkiya esa Misr elchisini non-grata deb e'lon qilgan.

O‘tgan hafta, 20 fevralda Misr turmalar boshqarmasi 2015 yilda Misr bosh prokurori Hisham Barakatning o‘ldirilishiga aloqador bo‘lgan 9 nafar ayblanuvchini qatl etdi.