«Barselona»ning irodali g‘alabasi va «Real»ga yordamga kelgan VAR sharpasi. Ispaniyada tur o‘yinlari

«Barselona» Madridning yana bir jamoasiga qarshi o‘yin o‘tkazib, dastlab gol o‘tkazib yuborgan bo‘lsada, yakunda irodali g‘alabaga erishdi.

Ispaniya chempionati. 27-tur
«Barselona» - «Rayo Valekano» - 3:1 (1:1)
Gollar: Raul de Tomas, 24 (0:1). Pike, 38 (1:1). Messi, 51 - penalti (2:1). Suares, 82 (3:1). 
«Barselona»: ter Shtegen, Semedu, Pike, Yumtiti, Jordi Alba, Vidal, Buskets (Malkom, 85), Artur (Dembele, 46), Messi, Suares, Koutinyu (Rakitich, 80).
«Rayo Valekano»: Dimitriyevski, Advinkula, Velaskes, Galves, Amat (Poso, 64), Aleks Moreno, Alvaro Garsiya (Embarba, 80), Komesanya, Imbula, Bebe, Raul de Tomas.
Ogohlantirishlar: Velaskes, 68. Buskets, 79. Imbula, 89.
Hakam: Melero Lopes (Ispaniya).
9 mart. Barselona. «Nou Kamp» stadioni.

Ishtiyoq
Futbolda motivatsiya - muhim o‘ringa ega. Masalan, «Barselona» uch kun ichida ikki bor «Real»ni Madridda mag‘lub etishi, keyin esa o‘z maydonida 40 daqiqa davomida Madridning boshqa bir jamoasi, turnir jadvalida 19-o‘rinda borayotgan autsayder «Rayo Valekano»ga qarshi hech narsa qila olmasligi mumkin. Endilikda chempionatda chempionlik intrigasi so‘nmoqda, kataloniyaliklar ikkinchi o‘rindagi «Atletiko»ni 7 ochkoga ortda qoldirgan, «Real» yanada uzoqda - oradagi farq 12 ochkoni tashkil qilmoqda.

Anderdoglar
«Rayo Valekano» «Kamp Nou»ga qatorasiga 5 o‘yinda mag‘lubiyat qayd etgan holda tashrif buyurgan va bu safar qandaydir muvaffaqiyatdan umid qilayotgandi. Anderdoglar odatda grandlarga qarshi yaxshi o‘ynashadi. Birinchi davra o‘yinida madridliklar «Barsa»ni 87-daqiqagacha mag‘lub etib turgan, ammo oxirgi daqiqalarda 2 gol o‘tkazib, 2:3 hisobida mag‘lub bo‘lgandi. Dekabrda esa jamoa «Real»ga qarshi o‘yin o‘tkazib, minimal hisobda yutqazdi (0:1). Bir tomondan jamoa grandlarga munosib qarshilik ko‘rsatadi, boshqa tomondan bu o‘yinlarda birorta ham ochko olmaydi. Shanba kuni «asalarilar» nihoyat natija uchun maydonga tushishgandi.

«Real» tarbiyalanuvchisi
Ular o‘z maqsadlariga darhol erishishdi - birinchi bo‘lim o‘rtalarida maydon egalari raqib himoyasini yorib o‘tolmasdan, to‘pni uyoqdan buyoqqa olib yurganlarida «Rayo» to‘pni egallab oldi va tezkor qarshi hujum uyushtirib, hisobni ochdi. Gol muallifi «Real» akademiyasi tarbiyalanuvchisi, «Rayo»ning joriy mavsumdagi asosiy to‘purari Raul de Tomas bo‘ldi. U to‘pni qabul qilib olib, Pike va Sameduga yaqinlashib keldi va uzoqdan darvozani nishonga oldi. Ter Shtegen bu safar qutqara olmadi.

Jarima va penalti
«Barsa» 15 daqiqa davomida hisobda ortda bordi, keyin esa Messi raqib jarima maydoniga to‘p uzatib berdi, u yerda Pike barchadan chaqqonroq harakat qildi va jamoalar tanaffusga durang hisobda yo‘l olishdi.

Ikkinchi bo‘lim Semeduning raqib jarima maydonida yiqilishi va Messi penaltidan unumli foydalanishi bilan boshlandi.

Vaziyatlardan birida Messining jarima nuqtasidan berilgan zarbasini himoyachilardan biri omilkorlik bilan harakat qilib to‘sib qoldi.

Tanaffusdan keyin mehmonlar hujum qilishni to‘xtatishdi - ular maydon markazidan ham o‘ta olmay qolishdi. Hakam hushtagi yangrashi arafasida Suares raqib darvozasi tomon uchinchi golni yo‘lladi va «Barselona»ning yuqori tempini saqlab qoldi - jamoa turnir jadvalidagi ustunligini davom ettirdi.

Endi madridliklar kumush va bronza medallar uchun kurashishadi.

«Real»ga 5 daqiqa ichida 2 gol urishdi, bir marta penalti tepishdi. Lekin hisob ochilmadi

«Valyadolid» – «Real» – 1:4 (1:1)
Gollar: Anuar, 29 (1:0). Varan, 34 (1:1). Benzema, 51 – penalti (1:2). Benzema, 59 (1:3). Modrich, 85 (1:4).
Aniq ijro etilmagan penalti: Ruben Alkaras, 12 (mimo).
«Valyadolid»: Masip, Antonito, Kalero, Fernandes, Nacho Martines, Anuar (Verde, 63), Michel, Ruben Alkaras, Keko (Chop, 73), Gvardiola, Oskar Plano (Enes Unal, 86).
«Real» (Madrid): Kurtua, Odriosola, Nacho, Varan (Valexo, 88), Regilon (Marselo, 89), Kroos (Valverde, 74), Kazemiro, Sebalos, Modrich, Asensio, Benzema.
Ogohlantirishlar: Odriosola, 12. Regilon, 45+3. Nacho Martines, 61. Kurtua, 64. Kazemiro, 69. Marselo, 90+3.
Chetlatish: Kazemiru, 80.
Hakam: Xil Mansano.
10 mart. Valyadolid. Jose Zorrilla stadioni.

Qatorasiga 3ta uy uchrashuvidagi mag‘lubiyatdan keyin «Real» Ispaniya chempionati doirasida «Valyadolid»ga qarshi o‘yinda yirik g‘alabaga erishdi.

Madrid and Valladolid players warming up in dark - 30 mins to kick off... pic.twitter.com/jmN3VLkPUW

— Dermot Corrigan (@dermotmcorrigan) 10 marta 2019 g.

O‘yin avvalida stadionda chiroq o‘chib qoldi, jamoalar g‘ira-shirada chigalyozdi mashg‘ulotlarini o‘tkazishdi va o‘yin boshqa kunga ko‘chirilishi xavfi ham paydo bo‘ldi. Ammo o‘yin arafasida chiroq yondi, yaxshiyamki yondi, yo‘qsa futbol muxlislari ancha tomoshalardan quruq qolishardi.

Birinchi bo‘lim shunchaki telbavor kechdi. Bu bo‘lim hujumlarga boy bo‘lish bilan birgalikda o‘taketgan tartibsizlik va sirkni eslatardi. Avvaliga Odriosolaning foli tufayli «Valyadolid» penalti tepish huquqini qo‘lga kiritdi, ammo Alkarasning amerikacha futboldagi kabi zarbasidan tablodagi hisob o‘zgarmadi - to‘p darvoza to‘sinidan bir necha metr balanddan o‘tib ketdi.

What an absolute howler of a penalty by Valladolid. pic.twitter.com/fEIn3QbiYY

— Mr Fixit's Tips (@mrfixitstips) 10 marta 2019 g.

Bu muvaffaqiyatsizlik mezbonlarning ruhini tushirmadi va ular darhol keyingi hujumda gol urishdi. Kataloniyalik mashhur murabbiy bilan familiyadosh bo‘lgan Serxio Gvardiola Kurtuani ojiz qoldirdi, «Real» to‘pni maydon markaziga olib kelib o‘yinni boshlashga chog‘langan vaqtda esa o‘yin arbitri Xil Mansano birdan qo‘lini yuqoriga ko‘tara boshladi. U bu vaziyatda videohakam bilan maslahatlashib, gol vaqtida ofsayd holati qayd etilganini ko‘rsatdi. 

Arbitr mikrofon orqali videohakam bilan gaplashdi, ammo aslida videohakamlar xonasidagi monitor qarshisida bu vaqtda hech kim yo‘q edi. Buni tasdiqlaydigan video ham bor: translatsiya vaqtida Mansano gol urilgan vaziyatlarda kim bilandir maslahatlashayotgani ko‘rsatilganida videohakamlar xonasi bo‘m-bo‘sh edi.

Bu vaziyat izohsiz qoldi. Balki bunga elektr bilan bog‘liq muammo sabab bo‘lgandir. Balki rejissyor kadr tanlashda xato qilgandir. Ammo internetdagi hazillarni to‘xtatib bo‘lmay qoldi, barcha «Real»ga yana VAR yordamga kelgani haqida yoza boshladi.

Uch daqiqa o‘tib «Valyadolid» to‘pni yana «qaymoqranglilar» darvozasiga joyladi, yana Gvardiola aniq harakat qildi, lekin hakam yana golni VAR orqali bekor qildi. Mezbonlar 5 daqiqa ichida bir marta penalti tepib, 2 marta gol urishdi. Ammo hisob o‘zgarmasdan qoldi.

To‘g‘ri, bu vaziyatlarda chindan ham ofsayd bo‘lgandi.

Uchinchi urinishda «Valyadolid» nihoyat maqsadga erishdi - Anuar jamoadoshi Gvardioladan omadliroq bo‘lib chiqdi.

🇪🇸 #LaLiga

Anuar Tuhami 🇲🇦 scores his first top flight goal to give Valladolid the lead over Real Madrid! pic.twitter.com/JpTE1Wv9l4

— ArabBallers (@ArabBallers) 10 marta 2019 g.

Madridliklar bosh murabbiyi Santyago Solarini esa omadli deyish qiyin. Chempionlar ligasidagi sharmandalikdan keyin u jamoa tarkibida o‘zgartirish qilmadi - faqat jarohat tufayli Vaskes, Karvaxal va Vinisiusni majburan almashtirdi (Ramos nafaqat yevrokuboklardan, balki chempionat o‘yinlaridan ham diskvalifikatsiya qilingan). O‘yinning birinchi yarimsoati «Ayaks»ga qarshi o‘yindagi kabi edi - «Valyadolid» maydonning «Real» darvozasi joylashgan ikkinchi qismida istagan ishini amalga oshirdi. Ammo bu ustunlikdan mezbonlar foydalana olishmadi, madridliklar esa tezda o‘zlariga kelishdi va hisobni tenglashtirishdi. Avvaliga Varan bahsli vaziyatda gol urdi - uning goli arafasida Nacho «Valyadolid» darvozaboni Masipga to‘pga sakrashida xalal bergandek ko‘rindi.

«Real» barcha kuboklarni tark etgan, Ispaniya chempionatida ham motivatsiya deyarli yo‘q, «Qirollik klubi» mavsum yakuniga qadar kuchli to‘rtlikdan tushib ketmasligi aniq, shu bilan birga «Barselona»ga yeta olmaydi. Jamoa «Ayaks»dan va «Barselona»dan qabul qilingan mag‘lubiyatlar alamini hali unutgani yo‘q. Shu sababli jamoa ikkinchi bo‘limga butunlay boshqa maqsadlar bilan tushib keldi va bunga erishdi. 50-daqiqada Odriosolani jarima maydoni ichkarisida yiqitishdi, belgilangan penaltini Benzema aniq amalga oshirdi.

8 daqiqa o‘tib fransuz hujumchisi dubl qayd etdi.

Boshqa vaziyatda barchasi hal bo‘lgan, deb hisoblash mumkin edi. Ammo hozirgi «Real» bir lahzada parchalanib ketishi mumkin va 3:1 hisobidagi ustunlikda ham 3 ochko kafolatlangan, deb ishonch bilan aytib bo‘lmaydi.

O‘yin yakunlanishiga 10 daqiqa qolganida o‘yinning eng omadsiz futbolchisi Gvardiolaning zarbasi darvoza ustuniga tegdi, keyin esa Kazemiro mavsumning eng ahmoqona follaridan birini o‘ylab topdi - shundoq ham sariq kartochkasi bor braziliyalik futbolchi raqib futbolchisiga maydon markazida erkin zarbani amalga oshirishga to‘sqinlik qildi. Xil Mansano esa bu futbolchini maydondan chetlatishdan boshqa chorasi qolmadi.

Ammo maydon egalari son bo‘yicha ustunlikdan foydalanishga ulgurishmadi - mehmonlar 5 daqiqa davomida bir kishi kam bo‘lib himoyalanishdi, keyin Modrich jarima maydoniga yorib kirib yakuniy hisobni o‘rnatdi.

1:4 - «Valyadolid» uchun adolatsiz hisob, «Real» ham yirik g‘alabaga haqli o‘yin ko‘rsatmadi. Madridliklar 3 ochkoni haqli qo‘lga kiritishdi, lekin buning uchun jamoani hech kim maqtamaydi - «Ayaks»dan uchralgan 1:4 hisobidagi mag‘lubiyat sharpasi klubni hali uzoq vaqt ta'qib qiladi.

Tur o‘yinlari

Turnir to‘purarlari

Turnir jadvali