Hindistonda Kashmirdagi terakt tashkilotchilaridan biri yo‘q qilindi

Foto: REUTERS / Younis Khaliq

Hindiston politsiyasi Jammu va Kashmir shtatida hind harbiylariga uyushtirilgan hujum tashkilotchilaridan birini yo‘q qildi, deb xabar berdi ANI agentligi.

Agentlikning ma'lumot berishicha, Mudasir Ahmad Xon ismli jangari Jammu va Kashmir shtatidagi Tral tumanidagi to‘qnashuvda o‘ldirilgan.

"Tergovning aniqlashicha, Mudasir Pulvamdagi teraktning asosiy tashkilotchilaridan biri bo‘lgan", - deyiladi politsiya bayonotida.

Politsiyaning bildirishicha, to‘qnashuv davomida "Jaishi Muhammad" guruhining ikki nafar a'zosi yo‘q qilingan. Ular qator terrorchilik harakatlariga aloqadorlikda ayblanib qidiruvda bo‘lgan.

Eslatib o‘tamiz, 14 fevral kuni Jammu va Kashmir shtatida hind harbiylariga qilingan hujum oqibatida 45 kishi halok bo‘lgandi.

Hujum uchun javobgarlikni "Jaishi Muhammad" guruhi o‘z zimmasiga olgan.

Tayyorlagan Дилшод Аскаров

#Hindiston #terakt #Kashmir

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.