Фото: EPA

АҚШ давлат котиби Майк Помпеонинг маълум қилишича, Вашингтон Теҳроннинг нефть экспортини нолга тушириб юборишни режалаштирмоқда. Бу ҳақда РИА «Новости» хабар берди.

Унинг сўзларига кўра, АҚШ Эрондан «нормал мамлакат каби ўзини тутиши»ни талаб қилмоқда.

Шунингдек, унинг қўшимча қилишича, Вашингтон Теҳронга қарши санкциялар сиёсатини давом эттирмоқчи.

Аввалроқ, Эрон президенти Ҳасан Руҳоний АҚШнинг Эронга қарши фитналари муваффақиятсизликка учрагани ҳақида маълум қилганди.

Бундан олдин, Трамп Эронга қарши санкцияларни яна бир йилга узайтиргани хабар берилди.