Foto: Bloomberg
Xitoy Boeing 737 MAX'ni AQSh bilan savdo bitimidan chiqarib tashlash imkoniyatini ko‘rib chiqmoqda. Bu haqda Bloomberg vaziyatdan xabardor manbalarga tayangan holda ma'lum qildi.
Gap Pekin Vashington bilan kelishuvlar doirasida sotib oladigan Amerika eksporti tovarlari ro‘yxati haqida ketmoqda.
Agentlik ma'lumotlariga ko‘ra, samolyot AQSh va Xitoyning savdo bitimi bo‘yicha dastlabki ro‘yxatga kiritilgan.
Ta'kidlanishicha, Efiopiyadagi halokatdan so‘ng xavfsizlikka tahdid paydo bo‘lgani munosabati bilan Pekin Boeing 737 MAX’ni ro‘yxatdan chiqarib tashlash yoki agar amerikalik sheriklar bilan kelishuvga erishilsa, uni boshqa modellarga almashtirishni rejalashtirmoqda.
Bundan oldin, Jazoir Boeing 737 MAX parvozlarini taqiqlagandi.
