Jazoir Boeing 737 MAX parvozlarini taqiqladi

Jazoir fuqarolik aviatsiyasi boshqarmasi mamlakat havo hududini Boeing 737 MAX uchun yopib qo‘ydi. Bu haqda Reuters xabar bermoqda.

Agentlik ma'lumotlariga ko‘ra, idora Jazoir hududida bunday samolyotlarning parvozi, qo‘nishi hamda parvozga ko‘tarilishini taqiqlab qo‘ygan.

Qayd etilishicha, bunday qaror Efiopiyadagi Boeing 737 MAX 8 aviahalokatidan so‘ng qabul qilindi.

Avvalroq, Boeing 737 MAX samolyotlari yetkazib berishni to‘xtatgani haqida xabarlar tarqalgandi.

Boeing 737 MAX samolyoti Efiopiyaning Dabra-Zayt shahri yaqinida 10 mart kuni ertalab quladi. Fojia oqibatida 157 kishi qurbon bo‘ldi.

Bundan oldin, Efiopiyada qulagan Boeing bo‘yicha yangi tafsilotlar paydo bo‘lgandi.