«Arsenal» kuchli to‘rtlikka qaytdi

Angliya Premer-ligasining 34-turida «Uotford» «Arsenal»ni qabul qildi. Uotforddagi «Vikareyj Roud» stadionida kechgan uchrashuv mehmonlarning 1:0 hisobidagi g‘alabasi bilan yakunlandi.

O‘yinning 10-daqiqasida «Arsenal» hujumchisi Per-Emerik Obameyang o‘yindagi yagona golga mualliflik qildi. Bu vaziyatda gabonlik hujumchi raqib darvozaboni Ben Fosterni ta'qib qilib, uni xato qilishga majbur etdi.

Bu goldan bir daqiqa o‘tib uchrashuv bosh hakami Kreyg Pouson «Uotford» hujumchisi Troy Diniga Lukas Torreyraga tirsagi bilan zarba bergani uchun to‘g‘ridan-to‘g‘ri qizil kartochka ko‘rsatdi va mezbonlar o‘yinning qolgan qismini bir kishi kam bo‘lib o‘tkazishdi.

Bu g‘alaba evaziga «Arsenal» 66 ochko to‘plagan holda Angliya chempionati turnir jadvalida «Chelsi»ni quvib o‘tib, 4-o‘ringa ko‘tarilgan. «Uotford» 46 ochko bilan 10-o‘rinda joylashgan.

Angliya chempionati 
34-tur
Uotford – Arsenal 0:1 (0:1, 0:0)
Gol: 0:1 – 10 Obameyang.
Uotford – Foster, Yanmat, Kabasele, Ketkart, Mazina (Sema, 86), Femeniya (Saksess, 59), Kapu, Dukure, Xyuz, Dini, Grey.
Arsenal – Leno, Mustafi, Mavropanos (Genduzi, 59), Koselni, Monreal, Torreyra (O‘zil, 46), Chaka, Mxitaryan, Remzi (Meytlend-Naylz, 68), Ivobi, Obameyang.
Ogohlantirishlar: Kapu (54), Xyuz (86).
Chetlatish: Dini (11).